Maşın təlimi metodlarına həsr olunmuş elmi seminar keçirildi 12.05.2017    02:00 / Konfranslar, iclaslar

AMEA İnformasiya Texnologiyaları İnstitutunda 2 saylı şöbənin “Maşın təlimi metodları” kursu üçün hazırlanmış tədris proqramının müzakirəsinə həsr olunmuş növbəti elmi seminarı keçirildi.

Şöbə müdiri, texnika üzrə fəlsəfə doktoru, dosent Yadigar İmamverdiyev şöbənin əməkdaşları üçün nəzərdə tutulmuş tədris proqramının məzmunu barədə geniş məlumat verdi. Dünyanın qabaqcıl universitetlərində bu istiqamətdə mövcud olan tədris proqramları, müvafiq dərsliklər və veb-resursların hərtərəfli analiz edildiyini, tanınmış onlayn kurslarda iştirak edilərək sertifikatlar alındığını və tədris proqramının ən yaxşı təcrübə əsasında sintez edildiyini diqqətə çatdırdı.

Sonra proqrama daxil olan mövzular barədə qısa məlumat verildi. Maşın təliminin əsas konsepsiyaları, kompüter elmləri, verilənlərin intellektual analizi və verilənlər elmi ilə qarşılıqlı əlaqələri diqqətə çatdırıldı, informasiya təhlükəsizliyi sahəsində tətbiqlərinə dair bir sıra misallar göstərildi.

Sonda məruzə ətrafında fikir mübadiləsi aparıldı, suallar cavablandırıldı. Şöbə əməkdaşlarının gələcək elmi tədqiqatlarında kursda öyrənilməsi nəzərdə tutulan metod və yanaşmaların geniş tətbiq edilməsinin vacibliyi qeyd edildi, bu istiqamətdə bir sıra təklif və tövsiyələr səsləndirildi.

Qeyd edək ki, “Maşın təlimi metodları” kursu çərçivəsində şöbədə növbəti həftələrdə də silsilə seminarlar keçiriləcək. Bu kursun növbəti semestrdə institutda təhsil alan magistrlərə də tədris edilməsi planlaşdırılır.   

© Bütün hüquqlar qorunur. Xəbərlərdən istifadə edərkən www.iсt.az saytına istinad zəruridir.

12 dekabr - Ümummİllİ lİder Heydər Əlİyevİn anım günüdür
Xİdmətlər
İŞ FƏALİYYƏTİNİZƏ BİZİMLƏ BAŞLAYIN!
Ətraflı
BİZİM YARADICI VƏ ÖZÜNƏMƏXSUS İDEYALARIMIZA ETİBAR EDİN!
Ətraflı
ƏLVERİŞLİ QİYMƏTLƏRƏ KEYFiYYƏTLİ VƏ RƏNGARƏNG NƏŞRİYYAT İŞLƏRİ!
Ətraflı
İT BİLİKLƏRİNİZİ İNKİŞAF ETDİRƏRƏK KARYERANIZI DƏYİŞİN!
Ətraflı
ZƏNGİN E-KİTABXANA XİDMƏTLƏRİ!
Ətraflı
ELMİ JURNALLAR