Alman Akademik Mübadilə Xidmətinə ölkəmizdən müraciətlərin sayı çoxalıb 20.02.2014    10:44 / Görüşlər

AMEA İnformasiya Texnologiyaları İnstitutunda Alman Akademik Mübadilə Xidmətinin (DAAD) Bakı Məlumat Mərkəzinin direktoru Nikola Uliş (Nicola Ullisch) ilə görüş keçirildi. Məqsəd institutla DAAD arasında əməkdaşlıq perspektivlərinin müzakirəsi idi. 

Öncə N.Uliş təmsil etdiyi təşkilat barədə ətraflı məlumat verdi. Bildirdi ki, Almaniyanın dövlət qurumu olan DAAD dünyada tələbə və alimlərin beynəlxalq mübadiləsini dəstəkləyən ən böyük təşkilatdır. 1925-ci ildən fəaliyyətə başlayan DAAD Almaniya və digər ölkələrdən 1,5 milyondan çox alim və tələbəyə maliyə dəstəyi göstərmişdir. Qeyd etdi ki, qurumun əsas vəzifəsi tələbələrin və elm adamlarının mübadiləsi vasitəsilə xarici ölkələrlə akademik münasibətləri dəstəkləməkdən ibarətdir. 

İnformasiya Texnologiyaları İnstitutunda ötən ilin sentyabr ayında keçirilmiş “Almaniyada doktorantura təhsili və elmi tədqiqat imkanları” mövzusunda seminarın əhəmiyyətindən danışan qonaq, məhz bu görüşdən sonra ölkəmizdən DAAD-a müraciət edən gənc alim və tədqiqatçıların sayının artdığını vurğuladı. 

Görüşdə iki qurum arasında əməkdaşlıq perspektivləri, müvafiq sahədə birgə layihələrin həyata keçirilməsi məsələləri də müzakirə olundu. Həmçinin azərbaycanlı gənc alimlər üçün növbəti təlim seminarının keçirilməsi qərara alındı. Bildirildi ki, əsas məqsəd alim və tədqiqatçıları bu proqramlarda iştirak etmək üçün qoyulan tələblər, elmi-tədqiqatın ilkin layihəsinin hazırlanması qaydası, layihələrin növləri, əsas tədqiqat sahələri və s. ilə yaxından tanış etməkdir. 

18 oktyabr – Azərbaycanın Dövlət Müstəqİllİyİ Günüdür
Xİdmətlər
İŞ FƏALİYYƏTİNİZƏ BİZİMLƏ BAŞLAYIN!
Ətraflı
BİZİM YARADICI VƏ ÖZÜNƏMƏXSUS İDEYALARIMIZA ETİBAR EDİN!
Ətraflı
ƏLVERİŞLİ QİYMƏTLƏRƏ KEYFiYYƏTLİ VƏ RƏNGARƏNG NƏŞRİYYAT İŞLƏRİ!
Ətraflı
İT BİLİKLƏRİNİZİ İNKİŞAF ETDİRƏRƏK KARYERANIZI DƏYİŞİN!
Ətraflı
ZƏNGİN E-KİTABXANA XİDMƏTLƏRİ!
Ətraflı
ELMİ JURNALLAR