Rusiyanın paytaxtı Moskva şəhərində cari ilin 18-20 noyabr tarixlərində Cisco Connect 2014 konfransı keçiriləcək. Bu il tədbirin əsas mövzusu “Hər şeyi əhatə edən İnternet” (Internet of Everything, IoE) olacaq. 

Proqnozlara görə, ümumdünya şəbəkə torunun növbəti inkişaf mərhələsində insanlardan, qurğu və cansız əşyalardan əlavə İnternetə proseslər də qoşulacaq ki, bu da şəbəkə və bütün İKT sənayesində partlayış yarada biləcək yüksəlişə gətirib çıxaracaq.

“Cisco”nun proqnozlarına görə, 2020-ci ilə qədər İnternetə 50 milyardadək qurğu qoşulacaq ki, bu da texnoloji şirkətlərə geniş perspektivlərin açılması deməkdir.

Tədbir Beynəlxalq Ticarət Mərkəzində keçiriləcək. Konfransda iştirak etmək istəyənlər cisco-connect.ru ünvanında ətraflı məlumat əldə edə bilərlər.

© Bütün hüquqlar qorunur. Xəbərlərdən istifadə edərkən www.ict.az saytına istinad zəruridir.