Bu gün AMEA İnformasiya Texnologiyaları İnstitutunda 3338.01 - “Sistemli analiz, idarəetmə və informasiyanın işlənməsi” ixtisası üzrə doktorluq imtahanı keçirildi.
AMEA prezidenti, akademik Akif Əlizadənin 20 noyabr 2014-cü il tarixli “AMEA-da doktorluq imtahanları üzrə payız imtahan sessiyasının keçirilməsi haqqında” Sərəncamına əsasən AMEA İnformasiya Texnologiyaları İnstitutunun nəzdində yaradılmış Dissertasiya Şurasında “Sistemli analiz, idarəetmə və informasiyanın işlənməsi” ixtisası üzrə doktorluq imtahanının qəbul edilməsi üçün komissiya yaradılıb.
Komissiyanın sədri, institutun direktoru, akademik Rasim Əliquliyev, üzvləri - texnika üzrə elmlər doktoru, professor Məsumə Məmmədova, texnika üzrə elmlər doktoru Ramiz Alıquliyev, texnika üzrə fəlsəfə doktorları Rəşid Ələkbərov, Yadigar İmamverdiyev və Ramiz Şıxəliyevdir.
Bugünkü imtahanda institutun 3 dissertantı – Gülnarə Nəbibəyova, İradə Ələkbərova və Lyudmila Suxostat iştirak edirdilər.
© Bütün hüquqlar qorunur. Xəbərlərdən istifadə edərkən www.ict.az saytına istinad zəruridir.
