AMEA İnformasiya Texnologiyaları İnstitutunun aparıcı elmi işçisi, texnika üzrə fəlsəfə doktoru, dosent Fərqanə Abdullayeva “Elsevier” nəşriyyatının “Array” jurnalının redaksiya heyəti tərəfindən rəyçi sertifikatına layiq görülüb.

“Elsevier” nəşriyyatında çap olunan “Array” jurnalında kompüter elmləri sahəsində fundamental elmi tədqiqat materialları, icmallar və qısa məqalələr dərc olunur. “Array” jurnalının əsas elmi istiqamətlərinə süni intellekt, maşın təlimi və robototexnika, kompüter sistemləri və arxitekturaları, kompüter görməsi, nitqin və şablonların tanınması, idarəetmə və siqnalların emalı, kibertəhlükəsizlik, sənaye mühəndisliyi, tibbi informatika və biotibb mühəndisliyi, proqram mühəndisliyi, nəzəri kompüter elmi daxildir.   

© Bütün hüquqlar qorunur. Xəbərlərdən istifadə edərkən www.iсt.az saytına istinad zəruridir.