Dərslik Bakı Dövlət Universitetinin (BDU) 100 illiyinə həsr olunub.

Riyaziyyat və Mexanika İnstitutunun direktoru, AMEA-nın müxbir üzvü, professor Misir Mərdanov, institutun şöbə müdiri, professor  Ramiz Aslanov və BDU-nun dosenti Sevda İsayevanın həmmüəllifliyi ilə “Ali riyaziyyat” adlı dərslik çap olunub.

Dərsliyin elmi redaktoru fizika-riyaziyyat elmləri doktoru, professor Telman Məlikovdur.

10 fəsil və 3 əlavədən ibarət dərslik Xətti cəbr və həndəsənin analitik elementləri, Riyazi analizə giriş, İnteqral hesabı, Çoxdəyişənli funksiyalar, sıralar, Kompleks ədədlər, Adi diferensial tənliklər, Xüsusi törəməli diferensial tənliklər, Ehtimal nəzəriyyəsi və Riyazi statistikanın elementləri bölmələrindən ibarətdir.

Kitab BDU-nun Kimya və Coğrafiya fakültələrinin tədris planlarına və proqramlarına uyğun yazılmışdır. Dərslikdən universitetin Riyaziyyat ixtisası üzrə təhsil almayan, digər ixtisaslarda oxuyan tələbələri, eləcə də başqa ali məktəblərin tələbələri və müəllimləri də istifadə edə bilərlər.

© Bütün hüquqlar qorunur. Xəbərlərdən istifadə edərkən www.iсt.az saytına istinad zəruridir.