“İT-mütəxəssislər əmək bazarının intellektual idarə olunması” adlı monoqrafiya nəşr olunub İyun 19, 2019 | 09:34 / Yeni nəşrlər

AMEA İnformasiya Texnologiyaları İnstitutunun şöbə müdiri, AMEA-nın müxbir üzvü, texnika üzrə elmlər doktoru, professor Məsumə Məmmədovanın  müəllifliyi ilə “İT-mütəxəssislər əmək bazarının intellektual idarə olunması”adlı monoqrafiya nəşr olunub.

AMEA İnformasiya Texnologiyaları İnstitutunun Elmi Şurasının qərarı ilə çapa tövsiyə olunmuş monoqrafiyanın elmi redaktoru AMEA-nın vitse-prezidenti, institutun direktoru, akademik Rasim Əliquliyev, resenzentlər akademik Əli Abbasov və texnika üzrə elmlər doktoru, professor Ələkbər Əliyevdir.

Monoqrafiya İT-mütəxəssislərə tələb və təklifin uyğunsuzluğu, qeyri-müəyyənlik şəraitində fəaliyyət göstərən əmək bazarının İT-seqmentinin intellektual idarə olunmasının konseptual və metodoloji əsaslarının işlənilməsinə həsr olunmuşdur. Kitabda “İT-mütəxəssislər əmək bazarının intellektual idarə olunması” anlayışının müəllif şərhi verilmiş, İT sahəsində idarəetmənin müxtəlif səviyyələri üzrə peşə-ixtisas, kəmiyyət/keyfiyyət kəsimlərində insan resurslarına tələb-təklifin uyğunlaşdırılması üzrə qərarların qəbul olunmasını dəstəkləyən model və metodlar kompleksi təqdim edilmişdir.

“İnformasiya Texnologiyaları” nəşriyyatı tərəfindən çap olunan monoqrafiya qeyri-müəyyənlik şəraitində idarəetmənin nəzəri və praktiki məsələlərinin həlli, qərarların qəbul olunması sahəsində çalışan mütəxəssislər, eləcə də əmək bazarının İT seqmentində vəziyyət haqqında elmi əsaslandırılmış informasiyanın əldə olunmasında maraqlı olan dövlət qulluqçuları, menecerlər, işəgötürənlər, İT-mütəxəssislər və fiziki şəxslər üçün nəzərdə tutulmuşdur.

Kitabın elektron variantını buradan əldə etmək mümkündür. 

© Bütün hüquqlar qorunur. Xəbərlərdən istifadə edərkən www.ict.az saytına istinad zəruridir.

İŞ FƏALİYYƏTİNİZƏ BİZİMLƏ BAŞLAYIN!
Ətraflı
BİZİM YARADICI VƏ ÖZÜNƏMƏXSUS İDEYALARIMIZA ETİBAR EDİN!
Ətraflı
ƏLVERİŞLİ QİYMƏTLƏRƏ KEYFiYYƏTLİ VƏ RƏNGARƏNG NƏŞRİYYAT İŞLƏRİ!
Ətraflı
İT BİLİKLƏRİNİZİ İNKİŞAF ETDİRƏRƏK KARYERANIZI DƏYİŞİN!
Ətraflı
ZƏNGİN E-KİTABXANA XİDMƏTLƏRİ!
Ətraflı