İnstitut əməkdaşlarının elmi məqaləsi beynəlxalq jurnalda nəşr olunub Aprel 16, 2019 | 04:26 / Mühüm hadisələr

AMEA İnformasiya Texnologiyaları İnstitutunun əməkdaşaları şöbə müdiri, iqtisad üzrə fəlsəfə doktoru, dosent Əlövsət Əliyevin və Roza Şahverdiyevanın həmmüəllifi olduqları Multi-level system of indicators on the activity of innovative technology parks in the sectors of information and knowledge economy (“İnformasiya və biliklər iqtisadiyyatı sektorlarında innovativ texnologiya parklarının fəaliyyətinin çoxsəviyyəli göstəricilər sistemi”) adlı məqaləsi “Management Dynamics in the Knowledge Economy” jurnalında nəşr olunub.

Məqalədə informasiya və biliklər iqtisadiyyatı sektorlarında innovativ texnologiya parklarının fəaliyyətinin çoxsəviyyəli göstəricilər sisteminin işlənilməsi məsələləri araşdırılıb. Qeyd olunur ki, inkişaf etmiş və inkişaf etməkdə olan ölkələrin iqtisadi sistemi ilkin olaraq təbii və maddi resurslara əsaslanır. Sonrakı inkişaf mərhələsində resurs üstünlüyündən yararlanaraq informasiyaya, biliyə, İKT-yə əsaslanan yeni innovativ iqtisadiyyat formalaşdırılır, əsas iqtisadi inkişaf artımı innovativ texnoparklarda həyata keçirilir.

Bu aspektdə texnoparkların çoxsəviyyəli kompozit indikatorlar sisteminin işlənilməsinin elmi-metodoloji əsasları tədqiq olunaraq kompozit indikatorlar sisteminin yaradılması mərhələləri, onlara qoyulan tələblər, onların ümumiləşdirilmiş tərkibi və məzmunu göstərilib. Texnoparkların fəaliyyətini ayrı-ayrılıqda xarakterizə edən əsas indekslər qrupu və ona uyğun funksiyalar müəyyənləşdirilib. Çoxsəviyyəli kompozit indikatorlar sistemi baş səviyyəni və özündən sonra gələn aşağı səviyyələri inteqrativ olaraq əks etdirir.

İndikatorlar sisteminə texnoparkların əsas kompozit indeksi və 10 subindeksi daxil edilib. Texnoparkların əsas və subindekslərinin funksional şəkildə asılı olduğu indikator və göstəricilərin müəyyənləşdirilməsinin ardıcıl formalaşdırılması mərhələləri təklif olunub, həmçinin, göstəricilər əsasında gələcək tədqiqatın istiqamətləri müəyyənləşdirilib.

Qeyd edək ki, “Management Dynamics in the Knowledge Economy” jurnalı EBSCO, BASE, Cabell's, DOAJ, Index CopernicusERIH Plus, GIF, NewJourProQuest,  RePEc - EconPapersUlrich’s və s. kimi  nüfuzlu elmi bazalarda indeksləşib.

© Bütün hüquqlar qorunur. Xəbərlərdən istifadə edərkən www.ict.az saytına istinad zəruridir.

İŞ FƏALİYYƏTİNİZƏ BİZİMLƏ BAŞLAYIN!
Ətraflı
BİZİM YARADICI VƏ ÖZÜNƏMƏXSUS İDEYALARIMIZA ETİBAR EDİN!
Ətraflı
ƏLVERİŞLİ QİYMƏTLƏRƏ KEYFiYYƏTLİ VƏ RƏNGARƏNG NƏŞRİYYAT İŞLƏRİ!
Ətraflı
İT BİLİKLƏRİNİZİ İNKİŞAF ETDİRƏRƏK KARYERANIZI DƏYİŞİN!
Ətraflı
ZƏNGİN E-KİTABXANA XİDMƏTLƏRİ!
Ətraflı