Fərdlərin sosial kapitalının qiymətləndirilməsi məsələləri araşdırılır Mart 05, 2019 | 04:00 / Konfranslar, iclaslar

AMEA İnformasiya Texnologiyaları İnstitutunda 13 saylı şöbənin növbəti elmi seminarı keçirildi.

İnstitutun magistrantı Aygül Fəxrəddinqızı “İnformasiya cəmiyyətində fərdlərin sosial kapitalının qiymətləndirilməsi” mövzusunda məruzəni təqdim etdi.

Məruzəçi informasiya cəmiyyəti, sosial kapital, onun formaları, əhatə dairəsi və mənbələri, sosial kapitala dair yanaşmalar, sosial kapitalın ölçülməsi məsələləri haqqında məlumat verdi. Qeyd etdi ki, informasiya texnologiyalarından istifadə edərək yaradıcı və məhsuldar şəkildə beynəlxalq səviyyədə rəqabət üstünlüyünün qazanılması informasiya cəmiyyətinin əsas məqsədidir.

Məruzəçinin sözlərinə görə, insanlar arasında əlaqələr şəbəkəsi olan, müəyyən bir cəmiyyətdə yaşayan, işləyən və cəmiyyətin məqsədyönlü fəaliyyət göstərməsinə imkan verən sosial kapital normaları, dəyərləri və anlayışları bölüşərək qruplar daxilində və ya qruplar arasında əməkdaşlığı asanlaşdırır.

O, sosial kapital haqqında Pierre Bourdieu, James Coleman, Wayne Baker, Robert Putnam kimi müxtəlif sosioloqların yanaşmalarını diqqətə çatdırdı. Sosioloq R.Putnamın sosial kapitalın sosial normalar, sosial əlaqələr, etimad adlı üçfaktorlu modelini təklif etdiyini bildirdi.

Məruzəçi sosial kapitalın ölçülməsi üçün etimada əsaslanan, indeks-reytinq, dünya bankı metodları barədə də məlumat verdi.

Sonda məruzə ətrafında fikir mübadiləsi aparıldı, suallar cavablandırıldı. Şöbə müdiri, AMEA-nın müxbir üzvü, texnika elmləri doktoru Ramiz Alıquliyev mövzu ilə bağlı fikirlərini səsləndirdi. Şöbə müdiri həmçinin, müasir dövr üçün sosial kapitalın qiymətləndirilməsi istiqamətində istifadə olunan metod və metrikalar üzrə araşdırmaların davam etdirilməsini tövsiyə etdi. 

 © Bütün hüquqlar qorunur. Xəbərlərdən istifadə edərkən www.ict.az saytına istinad zəruridir.

İŞ FƏALİYYƏTİNİZƏ BİZİMLƏ BAŞLAYIN!
Ətraflı
BİZİM YARADICI VƏ ÖZÜNƏMƏXSUS İDEYALARIMIZA ETİBAR EDİN!
Ətraflı
ƏLVERİŞLİ QİYMƏTLƏRƏ KEYFiYYƏTLİ VƏ RƏNGARƏNG NƏŞRİYYAT İŞLƏRİ!
Ətraflı
İT BİLİKLƏRİNİZİ İNKİŞAF ETDİRƏRƏK KARYERANIZI DƏYİŞİN!
Ətraflı
ZƏNGİN E-KİTABXANA XİDMƏTLƏRİ!
Ətraflı