27-29 may 2019-cu il tarixlərində ABŞ-ın Vaşinqton şəhərində IEEE tərəfindən təşkil olunan “Big Data təhlükəsizliyi və məxfiliyi” – “IEEE Big Data Security 2019” keçiriləcək.
cloud-conf.net saytının məlumatına görə, böyük həcmli məlumatların saxlanması, ötürülməsi və emalı üçün təhlükəsizlik və məxfiliyin təmin edilməsinə Big Data ilə bağlı bütün sahələrdə xüsusi diqqət yetirilir. “IEEE Big Data Security 2019” bu sahədə əldə olunmuş mühüm elmi nailiyyətləri bir araya toplamaq məqsədi daşıyır.
Yeni Big Data modelləri, Əşyaların İnternetində, Cloud Computing sahəsində Big Data təhlükəsizliyi və məxfiliyi məsələləri, böyük həcmli məlumatların saxlanması problemləri,·kibercinayətkarlıq, kibermonitorinq, insidentlərə qarşı reaksiya, verilənlər bazasının və verilənlərin emalı mərkəzinin təhlükəsizliyi, bulud hesablamalarında sensor şəbəkə təhlükəsizliyi, bulud və şəbəkə təhlükəsizliyi, mobil Cloud Computing,·yaşıl bulud hesablama və s. konfransın əsas mövzularını əhatə edir.
Qeyd edək ki, konfransa məqalələr 21 yanvar 2019-cu il tarixinədək qəbul edilir.
© Bütün hüquqlar qorunur. Xəbərlərdən istifadə edərkən www.ict.az saytına istinad zəruridir.
.jpg)
