Sinqapur Texnologiya Universitetinin tədqiqatçıları analoqlarından min dəfə daha kiçik ölçüyə malik olan kvant çipi hazırlayıblar. Fərdi məlumatların müdafiəsi üçün istifadə edilən yeni qurğu daha etibarlı təhlükəsizlik texnologiyasını təmin edəcək.
Sinqapur tədqiqatçılarının təqdim etdiyi yeni kiçik çip mövcud standartlarla müqayisədə artan təhlükəsizliyi təmin etmək üçün kvant rabitə alqoritmlərindən istifadə edir. Bu təhlükəsiz kvant açarını formalaşdıraraq çatdırılan informasiyaya parolların inteqrasiyasının hesabına əldə edilir. İnformasiya əldə olunduqdan sonra o açarla birlikdə məhv edilir.
hightech.fm saytının məlumatına görə, bu çip mövcud kvant rabitə sistemlərindən min dəfə daha az yer tələb edir. Məhz buna görə tədqiqatçılar bu texnikanı smartfonlar, planşetlər və “ağıllı” saatlar kimi kompakt cihazlarda istifadə edə bilərlər.
“Məlumatların çox hissəsinin rəqəmsal saxlanılması və ötürülməsi müasir dünyada kibertəhlükəsizliyi olduqca əhəmiyyətli edir. Demək olar ki, bütün rəqəmsal platformalar və depozitlər istifadəçilərdən parol və biometrik məlumatların daxil edilməsini tələb edir”, – deyə bildirən alimlər qeyd ediblər ki, parol və informasiyanın sistemə birləşdirilməsi kvant texnologiyasının bu problemi aradan qaldırmasına şərait yaradır.
© Bütün hüquqlar qorunur. Xəbərlərdən istifadə edərkən www.iсt.az saytına istinad zəruridir.
