İnformasiya Texnologiyaları İnstitutunun şöbə müdiri, AMEA-nın müxbir üzvü Ramiz Alıquliyev “Ukrainian Journal of Information Systems and Data Science” jurnalının redaksiya heyətinin üzvü seçilib.
“Ukrainian Journal of Information Systems and Data Science” jurnalı ildə iki dəfə ingilis və Ukrayna dillərində dərc olunur. Jurnalda alqoritmlər və məlumat strukturları, informasiya resursları, qərar qəbul etmə modelləri, meta-evristik optimallaşdırma, şəbəkə sistemlərinin modelləşdirilməsi və optimallaşdırılması, mürəkkəb sistemlərin təhlükəsizliyi və etibarlılığı, insan-kompüter qarşılıqlı əlaqəsi, Əşyaların interneti sistemləri, maşın öyrənməsi, bilik mühəndisliyi, eləcə də təbii dilin emalı texnologiyaları istiqamətlərini əhatə edən məqalələr dərc olunur.
© Bütün hüquqlar qorunur. Xəbərlərdən istifadə edərkən www.iсt.az saytına istinad zəruridir.
.JPG)
