İnstitutda ixtisas fənnindən doktorluq imtahanı keçirilib

İnformasiya Texnologiyaları İnstitutunda  doktoranturaya qəbul imtahanı keçirilib.

İmtahanda “Sistemli analiz, idarəetmə və informasiyanın işlənməsi”, “İnformasiyanın mühafizəsi üsulları və sistemləri, informasiya təhlükəsizliyi” və “Kompüter elmləri” ixtisasları üzrə  5 iddiaçı iştirak edib.

Ümumiyyətlə, 2023-cü ildə İnformasiya Texnologiyaları İnstitutunun fəlsəfə doktoru hazırlığı üzrə doktoranturasına 13 nəfər müraciət etmişdir. Xarici dil imtahanından müvəffəqiyyətlə keçən 6 şəxs növbəti mərhələyə buraxılmış, onlardan 5-i isə fəlsəfə imtahanından məqbul nəticə əldə edərək ixtisas fənnindən doktorluq imtahanı vermək imkanı əldə etmişdilər. İxtisas üzrə imtahanının nəticələrinə əsasən 3 iddiaçı doktoranturaya qəbul olunmuşdur.

© Bütün hüquqlar qorunur. Xəbərlərdən istifadə edərkən www.iсt.az saytına istinad zəruridir.