İnformasiya Texnologiyaları İnstitutunun magistraturasında yaz imtahan sessiyasına start verilib

İnformasiya Texnologiyaları İnstitutunda yaz imtahan sessiyasına start verilib.

Belə ki, iyunun 8-də institutun I kurs magistrantları “Kompüter elmləri” və “İnformasiya texnologiyaları və sistemləri mühəndisliyi” ixtisasları üzrə imtahan veriblər. İnstitutun Tədris-İnnovasiya Mərkəzində keçirilən imtahanda 6 magistrant öz biliyini sınayıb.

İnstitutun magistraturasında növbəti imtahanların 16, 23 iyun və 3 iyul tarixlərində keçirilməsi nəzərdə tutulur.

Qeyd edək ki, yaz imtahan sessiyası AMEA-nın prezidentinin 12 may 2023-cü il tarixli “AMEA-nın magistrantları üçün yaz imtahan sessiyasının keçirilməsi haqqında” sərəncamına əsasən təşkil olunur.

© Bütün hüquqlar qorunur. Xəbərlərdən istifadə edərkən www.ict.az saytına istinad zəruridir.