Böyük Britaniya və İspaniya alimləri informasiyanı yadda saxlamaq üçün yeni qurğu təqdim ediblər. Qurğunun əsasını nanoölçülü polioksometalatlar təşkil edir. Yeni materialın istifadə olunması flaş-yaddaşın həcmini əhəmiyyətli dərəcədə artırmağa imkan verəcək. Bu, informasiya daşıyıcılarının daha da kiçilməsinə səbəb olacaq.
lenta.ru saytının məlumatına görə, müəlliflər flaş-yaddaşda istifadə olunan yarımkeçiricilərin “Metal-Oksid-Yarımkeçirici” (MOY) strukturunu polioksometalat klasterləri ilə əvəz etməyi təklif ediblər. MOY-strukturu müxtəlif yarımkeçiricili qurğuların istehsalında istifadə olunur.
MOY-strukturunun keçiricilik xüsusiyyətləri onun elektroduna gərginlik verməklə idarə edilir. Alimlər nanoölçülü polioksometalatlar əlavə etməklə MOY-strukturun oksid təbəqəsini modifikasiya etməyi planlaşdırır.
Əvvəllər alimlər tərəfindən MOY-struktura olunan əlavələr aşağı elektrik keçiriciliyinə və nümunənin qızmasına gətirib çıxarırdı. Yeni MOY-strukturda isə oksidləşdirici xüsusiyyətinə görə saxlanılan informasiyanın həcmi artırıla bilər.
© Bütün hüquqlar qorunur. Xəbərlərdən istifadə edərkən www.iсt.az saytına istinad zəruridir.
