Robotlar Nyu-Yorkda Milad bayramını keçirməyə və 2020-ci ili qarşılamağa hazırlaşırlar

Müasir dövrdə Milad bir çox ölkələrdə ümummilli bayram səviyyəsində keçirilir, həmçinin, bir çox qeyri-xristian xalqlar da bu bayramı qeyd edirlər.

 Nyu-Yorkda keçirilən bu ilki Milad bayramı və yeni – 2020-ci ili qarşılamaq məqsədilə keçiriləm bayram hazırlıqlarında robotlar da yaxından iştirak edirlər.

Onlar “Bloomingdale” mağazasının bayram vitrinlərində öz bacarıqlarını nümayiş etdiriblər.

Bir neçə gündür “Bloomingdale”-in üç vitrinində yer alan on bir robot müxtəlif musiqi alətlərində çalır, alıcılara qəhvə təklif edir, hətta karaoke ifa edirlər.

Böyük Britaniyanın bbcnews telekanalının verdiyi xəbərə görə, gələcəkdə həmin robotlardan pərakəndə ticarət mərkəzlərinin işində geniş şəkildə istifadə etmək olacaq.

© Bütün hüquqlar qorunur. Xəbərlərdən istifadə edərkən www.ict.az saytına istinad zəruridir.