Dubayda dünyanın ən böyük 3D çap binası istifadəyə verilib

“Apis Cor” şirkəti Dubayda dünyanın ən böyük 3D çap binasını istifadəyə verib.

Şirkətin mətbuat xidmətinin verdiyi məlumata görə, sahəsi 640 m², hündürlüyü 9,5 m. olan  ikimərtəbəli inzibati binanın hazırlanmasında yalnız bir 3D printerdən istifadə olunub. Hətta binanın bəzi hissələri əl ilə quraşdırılıb.

“Apis Cor”-un istehsal etdiyi portativ 3D printer binanın hissələrini qatbaqat yığaraq aralarını sement qarışığı ilə bərkidib. Daha sonra binanın hazırlanmasında iştirak edən 3 inşaatçı qapı və pəncərələri quraşdırıblar.

hightech.fm saytı xəbər verir ki, ümumilikdə binanın hazırlanması prosesi təxminən üç həftə çəkib.

© Bütün hüquqlar qorunur. Xəbərlərdən istifadə edərkən www.iсt.az saytına istinad zəruridir.