Çin virtual televiziya aparıcılarını dünyaya çıxarır

Çin İnternet-axtarış sistemi “Sogou” virtual xəbər aparıcılarını hazırlaması ilə ümumdünya şöhrəti qazanıb. İlk belə aparıcılar keçən ilin noyabrında “Sinxua” agentliyinin telekanalında  görünüb. Martda virtual kişi kollektivinə kiberqadın Sin Syaomen qoşulub. Hazırda “Sogou” başqa ölkələrə də virtual televiziya aparıcılarını çıxarmağı planlaşdırır.

hightech.plus saytının məlumatına əsasən, Çin İnternet nəhəngi dünyada ilk ərəbdilli virtual aparıcının yaradılması üçün Birləşmiş Ərəb Əmirliklərinin dövlət televiziyası ilə müqavilə bağlayıb.

Qeyd edək ki, Çin 2030-cu ilə qədər süni intellekt sahəsində liderliyə nail olmağa çalışır və virtual televiziya aparıcılarının hazırlanması texnoloji inkişafın yalnız bir nümunəsidir.

© Bütün hüquqlar qorunur. Xəbərlərdən istifadə edərkən www.ict.az saytına istinad zəruridir.