“Google Play”də audiokitablar bölməsi istifadəyə verilib

“Google” korporasiyası “Google Play” onlayn mağazasında audiokitablar bölməsini istifadəyə verib. 45 ölkədə və 9 dildə əlçatan olan audiokitabları Android və iOS əsasında işləyən mobil qurğular, “Home” “ağıllı” səsgücləndiricisi, “Chromecast” rəqəmsal media pleyeri vasitəsilə dinləmək mümkün olacaq. Onların “Google Assistant” səs köməkçisi ilə inteqrasiyası hələ ki, yalnız ingilis dili üçün əlçatandır.

ferra.ru saytının məlumatına görə, audiokitabları münasib qiymətə əldə etmək mümkündür. Bunun üçün abunə olmaq tələb edilmir. İlk dəfə alanlar üçün endirim 50 faiz təşkil edir. İstifadəçilərə ödənişsiz olaraq, kitabdan bir hissəni dinləmək təklif edilir.

© Bütün hüquqlar qorunur. Xəbərlərdən istifadə edərkən www.iсt.az saytına istinad zəruridir.