“Instagram”da şərhləri deaktiv etmək mümkün olacaq

"Instagram" xidmətinə bir sıra yeni funsksiyalar əlavə edilib. Belə ki, artıq istifadəçilər öz şəkillərinə yazılan şərhləri deaktiv edə biləcəklər. Həmçinin onlar fotoxidmətdə bəyəndikləri şərhlərə "layk" qoymaq imkanı əldə edəcəklər.

belta.by saytının məlumatına görə, bu, yeganə yenilik deyil. Bundan sonra "Instagram"da istifadəçini blok etmədən onu abunəçilər siyahısından silmək mümkün olacaq və bu halda istifadəçi heç bir xəbərdarlıq almayacaq.

Mobil proqramın yeni versiyası dekabrın 6-dan istifadəçilərin bir hissəsi üçün əlçatan olub, digər istifadəçilər isə hələ bir neçə həftə gözləməli olacaq.

© Bütün hüquqlar qorunur. Xəbərlərdən istifadə edərkən www.ict.az saytına istinad zəruridir.