AMEA İnformasiya Texnologiyaları İnstitutunda keçirilən illik hesabat iclasında şöbə müdiri Şakir Mehdiyev rəhbərlik etdiyi şöbənin cari il üçün hesabatını təqdim edib. Korporativ mühitdə kompüter xidmətlərinin keyfiyyətinin yüksəldilməsi üçün metod və alqoritmlərin işlənilməsi istiqamətində tədqiqatların davam etdirildiyini bildirib.
Şöbənin elmi-innovasiya fəaliyyətindən bəhs edən məruzəçi AMEA-nın institut və təşkilatlarına məxsus olan fərdi kompüterlərdə mühəndislik və proqram xidmətlərinin, həmçinin AMEA Rəyasət Heyətinin (RH) 4 mart 2015-ci il tarixli Sərəncamı ilə aparılmış AMEA-nın elmi müəssisə və təşkilatlarında elektron elmin monitorinqinin nəticələrinin toplanılması və təhlili işlərinin yerinə yetirildiyini söyləyib.
O, AMEA Əsas bina və RH Mərkəzi Aparatında konfrans və iclasların müşayiət olunması, institutun Tədris-İnnovasiya Mərkəzində dərslərin keçirilməsinə texniki dəstək və s. dair görülmüş işləri diqqətə çatdırıb.
Ş.Mehdiyev, həmçinin şöbə əməkdaşlarının elmi-pedaqoji fəaliyyəti, elmi-texniki konfrans və simpoziumlarda iştirakı, beynəlxalq əməkdaşlıq əlaqələrinin inkişafı, müxtəlif təyinatlı kitab və elektron nəşrlərin hazırlanması, şöbədaxili seminarların keçirilməsi və digər işlərlə bağlı həyata keçirilmiş tədbirlər haqqında məlumat verib.
Sonra məruzə ətrafında müzakirələr aparılıb, çoxsaylı suallar cavablandırılıb.
© Bütün hüquqlar qorunur. Xəbərlərdən istifadə edərkən www.iсt.az saytına istinad zəruridir.
