Koreyanın paytaxtı Seulda SMART M-TECH SHOW 2014 – Beynəlxalq mobil texnologiyalar sərgisi keçirilir. İyunun 25-dən start götürən və“COEX Exhibition Center”də təşkil olunan sərgidə “smart həyat tərzi”nin keçirilməsi və həyat keyfiyyətinin yaxşılaşdırılmasına xidmət edən smart-texnologiyalar əsasında bir sıra qurğular nümayiş olunur.
İyunun 27-dək davam edəcək tədbir Koreya Elm Nazirliyinin dəstəyi, EXPORUM şirkətinin təşkilatçılığı ilə keçirilir.
Smart M-Tech Show 4 bölmədən ibarətdir:
• Smart Work/Mobile Office Fair – mobil ofis
• Smart Learning Korea — Educational IT Solution Fair — təhsildə smart həllər
• NFC, Smart Card & Payment Fair — kart ödəmə sistemləri
• Smart Life Show — smart həyat üçün qurğular
EXPOCLUB beynəlxalq sərgi portalının məlumatına görə, tədbirdə Koreyanın və digər xarici ölkələrin 120-dək kiçik və orta müəssisələri, həmçinin iri şirkətləri müxtəlif intellektual texnologiyalar, qurğu və xidmətləri nümayiş etdirəcəklər.
