Bu ilin may ayında AMEA İnformasiya Texnologiyaları İnstitutunda 17 may – Ümumdünya Telekommunikasiya və İnformasiya Cəmiyyəti gününə həsr olunmuş “Süni intellekt: çağırışlar, problemlər və perspektivlər” mövzusunda ümumrespublika elmi-praktiki konfransı keçiriləcək.
İnstitutun Elmi şurasının bu gün keçirilən iclasında bu barədə danışan AMEA-nın vitse-prezidenti, institutun direktoru, akademik Rasim Əliquliyev bildirdi ki, süni intellekt 4-cü sənaye inqilabının əsas trendlərindən biridir. Alimin fikrincə, bu texnologiyanın bir sıra sosial-iqtisadi problemləri mövcuddur ki, bunların araşdırılmasına ehtiyac duyulur.
Buna görə də institutun hər bir əməkdaşının süni intellekt ideologiyasının carçısına çevrilməsinin, süni intellektin ümumfəlsəfi əsasları üzrə tədqiqatların aparılmasının mühüm əhəmiyyətə malik olduğunu vurğuladı.
© Bütün hüquqlar qorunur. Xəbərlərdən istifadə edərkən www.iсt.az saytına istinad zəruridir.
