Nəqliyyat, Rabitə və Yüksək Texnologiyalar Nazirliyinin dəstəyi, “İKT LAB” Tətbiq və Tədris Mərkəzi, eləcə də “IS3S” (Information Security Solutions) şirkətinin birgə təşkilatçılığı ilə rəhbər şəxslər üçün “Kibertəhlükəsizlik: kritik risklər” adlı təlim keçiriləcək.

Nazirlikdən verilən məlumata görə, oktyabrın 18-də təşkil olunacaq təlimin məqsədi rəhbər şəxslərin müasir kibertəhlükəsizlik sahəsində mövcud olan risklər və bu risklərin qarşısının alınması üzrə biliklərinin, əlaqəli fəaliyyətin səmərəliliyinin və maarifləndirmə səviyyəsinin artırılmasıdır.

“Kibertəhlükəsizliyin əsasları”, “İnformasiya təhlükəsizliyi standartları”, “İnformasiya təhlükəsizliyi:  texnologiya və həllər”, “Kibertəhlükəsizlik trendləri” maarifləndirici tədbirin əsas mövzularını təşkil edəcək.

İstənilən qurum və şirkətin rəhbər şəxsləri təlimdə ödənişsiz iştirak edə bilərlər.

Təlimdə iştirak üçün bu link vasitəsilə qeydiyyatdan keçmək mümkündür.