17 may 2017-ci il tarixində AMEA Rəyasət Heyəti, AR Təhsil Nazirliyi və AMEA İnformasiya Texnologiyaları İnstitutunun birgə təşkilatçılığı ilə “Proqram mühəndisliyinin aktual elmi-praktiki problemləri” I respublika konfransı keçiriləcək.
Tədbirdə iştirak edəcək şəxslərin burada qeydiyyatdan keçməsi vacibdir.
Konfransın əsas istiqamətləri:
I. Proqram mühəndisliyinin elmi-nəzəri problemləri
II. Proqram mühəndisliyinin tədrisinin problemləri
III. Proqram mühəndisliyinin tətbiqi problemləri
Konfransın mövzuları:
- proqram təminatının keyfiyyətinin idarə olunması;
- proqram təminatının təhlükəsizliyi və etibarlılığı;
- proqram mühəndisliyinin sosial-iqtisadi aspektləri;
- veb-proqramlaşdırma texnologiyaları;
- proqram mühəndisliyi və bulud texnologiyaları;
- superkompüter və Big Data texnologiyalarında proqram mühəndisliyi;
- proqram mühəndisliyi və Əşyaların İnterneti;
- proqram mühəndisliyi və süni intellekt;
- proqram mühəndisliyinin tədrisi üzrə dünya təcrübəsi;
- Azərbaycanda proqram mühəndisliyinin tədrisinin müasir vəziyyəti;
- təkamül proqramlaşdırma;
- proqram təminatına qoyulan tələblər, layihələndirmə və resursların idarə edilməsi;
- proqram təminatının verifikasiyası, validasiyası və sınağı;
- proqram təminatının müşayiət edilməsi və monitorinqi;
- proqram məhsullarının standartları və sertifikatlaşdırılması;
- proqram mühəndislərinin hüquqi və etik problemləri.
Məruzələrin tərtibatına dair tələblər:
Konfransa onun istiqamətlərinə uyğun, aktual elmi-praktiki problemlərə həsr olunmuş materiallar qəbul olunur. Məruzənin həcmi 4 səhifədən (cədvəl, şəkil və ədəbiyyat daxil olmaqla) artıq olmamalıdır.
Məruzə elektron şəkildə softeng2017@iit.science.az, softeng2017@gmail.com ünvanlarına göndərilməlidir.
Məruzədə məsələnin aktuallığı, qoyuluşu və onun həlli yolları, əldə olunmuş nəticələrin elmi- praktiki əhəmiyyəti əks olunmalıdır. Məruzənin formatı IEEE standartına uyğun olmalıdır. Faylın yaradılması üçün Sample_IEEE.doc şablonundan istifadə edilməlidir. Düsturlar Microsoft Equation redaktorunda (standart parametrlər ilə) yığılmalıdır. Məqalənin sonunda məruzənin adı, müəllif(lər)in soyadı və xülasəsi ingilis dilində əlavə edilməlidir. Məruzəçilər MS PowerPoint redaktorunda “On-screen Show” (“Ekran”) formatında slaydlar hazırlamalıdırlar. Məruzəni konfransın işçi dillərindən (Azərbaycan, ingilis və rus) birində təqdim etmək olar.
Şablonu yükləmək olar: Sample_IEEE (eng).doc.
Sample_IEEE.doc şablonunun Azərbaycan dilinə tərcüməsi: Sample_IEEE(aze).doc.
Mühüm tarixlər:
30 aprel 2017 – Məruzələrin təqdim edilməsi üçün son tarix;
10 may 2017 – Məruzələrin ekspertizasının nəticələri haqqında müəlliflərin məlumatlandırılması tarixi;
17 may 2017 – Konfransın iş günü.
Əlaqə:
Ünvan: AZ1141, Bakı şəhəri, B. Vahabzadə küçəsi, 9A.
AMEA İnformasiya Texnologiyaları İnstitutu
Tel: (+994 12) 539-90-16; 539-87-19; 538-71-09
E-poçt: softeng2017@iit.science.az, softeng2017@gmail.com
Faks: (994 12) 539-61-21
