Taxma dırnaq kompüter “maus”unu əvəz edəcək

ABŞ-ın Massaçusets Texnologiya İnstitutunun tədqiqatçıları barmağa taxılan kiçikölçülü simsiz “trackpad” hazırlayıblar.

“NailO” adlı prototip taxma dırnaqlara oxşayır. Qurğu əlin baş barmağına bərkidilir və şəhadət barmağının səth üzərində hərəkəti ilə idarə olunur.

hi-news.ru saytının məlumatına görə, informasiyanın daxil edilməsi üçün nəzərdə tutulmuş daşınan qurğu olan “NailO” mobil qurğulara qoşulur.

Kiçikölçülü “trackpad” jestlərin köməyi ilə telefon və ya fərdi kompüterdə müxtəlif hərəkətləri yerinə yetirməyə imkan verir və istifadəçi asanlıqla qurğunun görünüşünü dəyişdirə bilər.