S.Kovalevskayanın doğum günündən 164 il sonra

“Google” şirkəti bu günü tanınmış alim Sofya Kovalevskayanın doğum gününə həsr edib. Bu münasibətlə dünyanın ən böyük axtarış sisteminin əsas səhifəsində şirkət dizaynerlərinin hazırladığı “Sofya Kovalevskayanın doğum günündən 164 il sonra” adlı növbəti bayram loqotipi yer alıb. 

pitbit.ru saytının məlumatına görə, S.Kovalevskaya dünya üzrə riyaziyyat sahəsində müəllimlik fəaliyyətilə məşğul olan ilk qadın professorudur. Riyaziyyata dair bir çöx mühüm elmi kəşf və nailiyyətlərin müəllifi olan alim 1889-cu ildə “Bərk cismin hərəkətsiz nöqtə ətrafında fırlanması məsələsi” adlı tədqiqat işinə görə Paris akademiyasının nüfuzlu mükafatına sahib olmuşdur. 

Qeyd edək ki, Sofya dünyada təkcə elmi yox, həm də bir neçə ədəbi əsərlərin müəllifi kimi tanınır.