AMEA İnformasiya Texnologiyaları İnstitutunun aparıcı elmi işçisi, texnika üzrə fəlsəfə doktoru, dosent Lyudmila Suxostat elmi ekspertiza fəaliyyətinə görə “Computer Communications” jurnalının redaksiya heyəti tərəfindən rəyçi sertifikatına layiq görülüb.
“Elsevier” nəşriyyatında çap olunan yüksək impakt faktorlu jurnalın əsas tədqiqat sahələri Əşyaların İnterneti, kompüter və kommunikasiya şəbəkələri, etimad, kompüter və kommunikasiya şəbəkələrində təhlükəsizlik və konfidensiallıq və yeni nəsil şəbəkələr üçün inkişaf etdirilən texnologiyalardır. Nüfuzlu nəşr İnternet arxitekturasının, protokollarının, xidmətlərinin və tətbiqlərinin təkamülünə xüsusi diqqət yetirərək, gələcək kompüter və kommunikasiya şəbəkələrinin bütün aspektlərini əhatə edən orijinal tədqiqatları və icmal məqalələri dərc edir.
Jurnal aşağıdakı elmmetrik göstəricilərə malikdir:
Impact Factor: 2.816
5-Year Impact Factor: 2.944
Source Normalized Impact per Paper (SNIP): 1.424
CiteScore: 6.8
SCImago Journal Rank (SJR): 0.687
© Bütün hüquqlar qorunur. Xəbərlərdən istifadə edərkən www.ict.az saytına istinad zəruridir.
