Yanvarın 18-də AMEA-nın İnformasiya Texnologiyaları İnstitutunun təşkilatçılığı ilə akademiyanın magistrantlarının ingilis dili imtahanı keçirilib. İmtahanda 2020/2021-ci tədris ilində AMEA-nın magistraturasına qəbul olunmuş, 14 elmi müəssisəni təmsil edən 56 magistrant iştirak edib.
AMEA prezidentinin “AMEA-nın magistrantları üçün qış imtahan sessiyasının keçirilməsi haqqında” 24 dekabr 2020-ci il tarixli, 469 №-li sərəncamına uyğun olaraq ölkə ərazisində tətbiq olunan karantin rejimini nəzərə alaraq imtahan onlayn qaydada keçirilib.
Qeyd edək ki, AMEA prezidentinin müvafiq sərəncamına əsasən, AMEA-nın magistratura pilləsinə qəbul olmuş bütün magistrantlara ümumi və seçmə fənlər üzrə dərslərin və imtahanların təşkili 2015-ci ildən İnformasiya Texnologiyaları İnstitutunda həyata keçirilir.
© Bütün hüquqlar qorunur. Xəbərlərdən istifadə edərkən www.ict.az saytına istinad zəruridir.
