"Microsoft" şirkəti əməliyyat sistemlərinin Windows 7 və Windows 8 versiyalarının satışını dayandırıb. Windows 7 Home Basic, Home Premium və Ultimate-in yeni kompüterlər və disklərdə tətbiqi oktyabrın 31-də dayandırılıb. İndi bu sıraya Windows 8 də əlavə olunub.
Qeyd olunur ki, tətbiqi 2015-ci ilin ortaları üçün nəzərdə tutulan Windows 10 əməliyyat sistemi istifadəyə verilənə kimi fərdi kompüter və noutbuklar Windows 8.1 əsasında satılacaq. Yalnız anbalarda qalan və hələ də satılmamış, əvvəlcədən quraşdırılmış Windows 7 və Windows 8 əsaslı kompüterlər isə istisnadır.
it.tut.by saytının məlumatına görə, Microsoft əməliyyat sistemlərinin ən məşhur versiyası 2009-cu ildə təqdim olunmuş Windows 7-dir. Windows əməliyyat sistemi istifadəçilərinin 53% -də bu sistemə rast gəlinir.
© Bütün hüquqlar qorunur. Xəbərlərdən istifadə edərkən www.ict.az saytına istinad zəruridir.
