ABŞ Hərbi Hava Qüvvələrləri 3D-printerdə çap edilmiş detalların köməyi ilə öz təyyarələrini yeniləməyi planlaşdırır. Bu təmir sürətini yüksəltməklə yanaşı hissələrin qiymətini 8500 dollardan 700 dollara endirəcək.
Hərbi müəssisə işçilərinin sözlərinə görə, tez-tez müəyyən bir hissə dəyişdirilməli və bəzən itirilmiş qəliblərə görə yenidən düzəldilməlidir. Bu da orijinal detallara tam uyğun olmalıdır. Belə hallarda bəzən 2-3 hissə tələb olunur ki, bu da istehsalı uzun və əlverişsiz hala gətirir.
hightech.fm saytının məlumatına əsasən, problem soyuq müharibə illərində yaradılan hava qüvvələrinə aiddir. Onu aradan qaldırmaq üçün ABŞ Hərbi Hava Qüvvələri təyyarələrin təmiri üçün yeni yanaşma təklif etmək qərarına gəlib.
“Hazırda 3D çapdan istifadə edərək kiçik detaldan böyüyə qədər bir çox hissəni istehsal etmək olar. B-52 təyyarəsi üçün iki və ya üç detal lazımdırsa bunu fabrikdən götürməyimizi aylarla gözləməkdənsə, sadəcə printerlərimizdən birinə ötürə bilərik”, - deyə mütəxəssislər qeyd ediblər. Son bir neçə həftə ərzində Hərbi Hava Qüvvələri metal, plastik kütlə, karbon lifindən minlərlə bu kimi detalları çap etdirib.
Hərbi Hava Qüvvələrlərinin texnologiyalar və maddi-texniki təchizat üzrə nazir köməkçisi Uill Roper bildirib ki, təyyarələrin mümkün qədər uzun müddət işləməsi üçün ən yaxşı üsulların tapılması vacibdir. Onun sözlərinə görə, əvvəllər bir hissənin dəyişdirilməsi orta hesabla 8500 dollar təşkil edirdisə, 3D çap köməyi ilə qiymət 700 dollara qədər azalıb.
© Bütün hüquqlar qorunur. Xəbərlərdən istifadə edərkən www.iсt.az saytına istinad zəruridir.
