İnstitutun aparıcı elmi işçisi elmi ekspertiza fəaliyyətinə görə sertifikata layiq görülüb

AMEA İnformasiya Texnologiyaları İnstitutunun aparıcı elmi işçisi, texnika üzrə fəlsəfə doktoru, dosent Fərqanə Abdullayeva “Elsevier” nəşriyyatının “Information Sciences” jurnalının redaksiya heyəti tərəfindən elmi ekspertiza fəaliyyətinə görə rəyçi sertifikatına layiq görülüb.

“Information Sciences” jurnalı “Web of Science” elmi bazasına daxil olan yüksək impakt faktorlu jurnaldır. Jurnalın cari ildə impakt faktoru 5.524-ə, 5 illik impakt faktoru isə 5.305-ə bərabərdir.

“Clarivate Analytics” şirkətinin “Journal Citation Reports” hesabatına görə, bu jurnal ən yüksək Q1 sinfinə daxildir.

© Bütün hüquqlar qorunur. Xəbərlərdən istifadə edərkən www.iсt.az saytına istinad zəruridir.