Yaponiya şirkəti başsız robot-pişik hazırlayıb.
Əsas məqsədi streslə mübarizədə insanlara kömək etmək olan yeni qurğu Berlində keçirilən “IFA-2019” sərgisində təqdim olunub.
belta.by saytının məlumatına əsasən, başsız robot-pişik həqiqi heyvanlar kimi quyruğunu yellədə bilir. “Qoobo” adlandırılan qurğunun effektivliyini bir neçə psixoloji test ilə sübut ediblər.
“Pişik” insanlar tərəfindən sığallandığı zaman o tərpənməyə və quyruğunu yellətməyə başlayır. Qadcetin effektivliyi bir neçə könüllü tərəfindən qiymətləndirilib. Şirkətin mütəxəssisləri könüllülərin stress səviyyəsini müəyyən edərək onlara robot-pişiyi sığallamağa imkan veriblər. Daha sonra könüllülər arasında sorğu keçirilib.
Tədqiqat göstərib ki, “pişik” insanda apatiya, yorğunluq səviyyəsini azaltmaqla yanaşı, stressi aradan qaldırmağa və depressiya ilə mübarizə aparmağa kömək edir.
Qeyd edək ki, artıq 10 mindən çox robot-pişik satılıb.
© Bütün hüquqlar qorunur. Xəbərlərdən istifadə edərkən www.iсt.az saytına istinad zəruridir.
