Rəqs edə bilən “ağıllı” humanoid robot nümayiş etdirilib

“INNFOS” şirkəti “XR-1” adlı “ağıllı” xidmət robotunu nümayiş etdirib. SCA texnologiyasına əsaslanan robot Barselonada keçirilən “Mobile World Congress” (MWC 2019) sərgisində təqdim edilib.

robo-hunter.com saytının məlumatına əsasən, robot insanları salamlamaq, əl sıxmaq, qəhvə vermək, rəqs etmək, predmetləri tutmaq və suallara cavab verə bilmək qabiliyyətinə malikdir.

“XR-1” robotunun boyu 160 santimetr, çəkisi 55 kiloqramdır. İnsanabənzər robot həmçinin, iynə və sapla işləyə bilir.

SCA-nın inteqrasiya edilmiş birləşmələri nəticəsində robot dəqiq və aktiv hərəkətlər etmək imkanına malikdir.

© Bütün hüquqlar qorunur. Xəbərlərdən istifadə edərkən www.iсt.az saytına istinad zəruridir.