“OpenAI” qeyri-kommersiya tədqiqat təşkilatı “feyk xəbərlər”in hazırlanması üçün “GPT2” adlı süni intellekt yaradıb. Neyron şəbəkəsi xəbərlərin hazırlanması keyfiyyəti üzrə mövcud mətn generatorlarını 12 dəfə üstələyir.
hightech.fm saytının məlumatına görə, “GPT2” süni intellekti 40 Gb tutumunda məlumat massivi üzərində öyrədilib – neyron şəbəkəsinə 10 milyon ingilisdilli məqalə və xəbər yüklənilib. Sistem verilmiş mövzu üzrə mətn hazırlamaq qabiliyyətinə malikdir və bir abzas üzrə mətnin stilistikasını tanıyır.
Bundan başqa, süni intellekt mətn generatorlarının ənənəvi səhvini (mövcud neyron şəbəkələri çox vaxt fokusu itirir) etmir. Məsələn, abzasın sonuna az qalmış alqoritm çox vaxt nədən söhbət getdiyini unudur.
“OpenAI” neyron şəbəkələrinin mənbə kodunu dərc etməyib. İstehsalçılar cinayətkarların ondan qeyri-qanuni hədəflər üçün istifadə edəcəyindən ehtiyat edirlər.
© Bütün hüquqlar qorunur. Xəbərlərdən istifadə edərkən www.iсt.az saytına istinad zəruridir.
