Məlumdur ki, AMEA İnformasiya Texnologiyaları İnstitutunun AzScienceNet elm kompüter şəbəkəsi Akademiyanın elmi müəssisə və təşkilatlarının fəaliyyətinin daha səmərəli təşkili, institutların alim və mütəxəssislərinin dünya elmi mühitinə inteqrasiyası baxımından geniş imkanlar təqdim edir, bu qurumlara yüksək səviyyəli İnternet xidmətləri göstərir. AzScienceNet şəbəkəsinin mütəxəssisləri institut və təşkilatlarda İnternet xidmətləri və şəbəkə avadanlıqları ilə bağlı yaranmış problemləri tez bir zamanda həll edir, bu qurumlara daimi texniki dəstək göstərirlər.
Bu yaxınlarda AMEA Radiasiya Problemləri İnstitutunda elektrik enerjisinin verilməsində baş verən problemlərlə əlaqədar şəbəkə avadanlıqlarında yaranan nasazlıqlar nəticəsində İnternet xidmətinin verilməsində məhdudiyyətlər yaranıb. AzScienceNet şəbəkəsinin mütəxəssisləri bu nasazlıqları operativ şəkildə aradan qaldırıblar.
© Bütün hüquqlar qorunur. Xəbərlərdən istifadə edərkən www.iсt.az saytına istinad zəruridir.
