AMEA-nın bu gün keçirilən ümumi yığıncağında akademiklər Nərgiz Paşayeva və İradə Hüseynova AMEA-nın yeni vitse-prezidentləri seçiliblər.
Seçkinin nəticələrinə görə akademiklər İsa Həbibbəyli, İbrahim Quliyev, Tofiq Nağıyev və Dilqəm Tağıyev yenidən AMEA-nın vitse-prezidentləri, AMEA-nın müxbir üzvü Bilal Bilalov isə Rəyasət Heyətinin üzvü v.i.e. seçilib.
Bundan başqa, səsvermə nəticəsində akademik Rasim Əliquliyev AMEA-nın akademik-katibi, akademik Əhliman Əmiraslanov Biologiya və Tibb Elmləri Bölməsinin, akademik Nazim Məmmədov Fizika-Riyaziyyat və Texnika Elmləri Bölməsinin, akademik Fəxrəddin Qədirov Yer Elmləri Bölməsinin, akademik Dilqəm Tağıyev Kimya Elmləri Bölməsinin, akademik Nərgiz Axundova İctimai Elmlər Bölməsinin, akademik Teymur Kərimli Humanitar Elmlər Bölməsinin akademik-katibləri, akademik İsmayıl Hacıyev Naxçıvan Bölməsinin, akademik Fuad Əliyev isə Gəncə Bölməsinin akademik-katibi seçiliblər.
© Bütün hüquqlar qorunur. Xəbərlərdən istifadə edərkən www.iсt.az saytına istinad zəruridir.
