Dünyanın ən zəngin adamı kimdir?

Bill Qeyts daha dünyada ən zəngin adam deyil.

“Microsoft”un banisi Bill Qeyts son beş il ərzində dünyanın ən varlı adamı hesab olunurdu. Lakin bu gün o, öz titulunu “Amazon” korporasiyasının təsisçisi Ceff Bezosa həvalə edib. Bu, şirkətin səhmlərinin artımı sayəsində baş verib.

tech.onliner.by saytının verdiyi məlumata görə, Amazon səhmlərinin bahalaşması nəticəsində Ceff Bezos 90,9 milyard dollarlıq var-dövlətə sahib olub.  Hazırda Bill Qeyts ondan 200 milyon dollar “kasıb”dır.

Amazon-un kapitallaşması ilk dəfə iyulun 26-da 500 milyard dolları ötüb. Beləliklə, korporasiya “Apple”, “Alphabet” və “Microsoft” şirkətlərinin də daxil olduğu “VIP-klub”a daxil olub. 

© Bütün hüquqlar qorunur. Xəbərlərdən istifadə edərkən www.iсt.az saytına istinad zəruridir.