Artıq “Facebook”da iş haqqında elanları dərc etmək mümkündür

“Facebook” sosial şəbəkəsində yeni vakansiyalar yerləşdirmək və axtarmaq imkanı meydana çıxıb. Belə ki, istifadəçilər və müxtəlif şirkətlər öz səhifələrində “Vakansiyalar” adlı xüsusi bölmədə iş elanları yerləşdirə bilərlər. Yeni funksiyanın köməyilə istifadəçilər onları maraqlandıran vakansiyanı daha rahat tapa biləcəklər.

www.belta.by saytının məlumatına görə, elanlar istifadəçilərin xəbər lentində meydana çıxacaq. Elana daxil olduqda istifadəçinin şəxsi məlumatları olan pəncərə “Facebook” səhifəsində üzə çıxacaq ki, onu potensial işəgötürənə göndərmədən öncə redaktə etmək mümkün olacaq.

Yeni funksiya hələ ki, yalnız Amerika və Kanadadan olan istifadəçilər üçün əlçatandır.

© Bütün hüquqlar qorunur. Xəbərlərdən istifadə edərkən www.iсt.az saytına istinad zəruridir.