ABŞ-ın “First Alert” şirkəti yeni doğulmuş körpələrin valideynləri üçün nəzərdə tutulmuş “ağıllı” kameranı təqdim edib. Videodayə körpənin tənəffüs tezliyinə nəzarət etmək imkanına malikdir.
Qəfil uşaq ölümü sindromu və ya “beşikdə ölüm” – zahirən sağlam olan, 1 yaşa qədər körpələrin nəfəsin dayanması səbəbindən qəfil ölümüdür. Hətta bu sindromdan xəbərsiz olan təcrübəsiz valideyinlər də körpələrinin yuxuda nəfəs alıb-almadığını tez-tez yoxlamaq vərdişindən qurtula bilmirlər.
ABŞ-ın “First Alert” şirkəti xüsusi tənəffüs monitoruyla təchiz edilmiş Onelink Envirocam smart-kamerasını təqdim edib. Oxşar qurğulardan fərqli olaraq, Onelink Envirocam hətta zülmət qaranlıqda körpənin nəfəs aldığını göstərən çox zəif hərəkəti də müəyyən edə bilir. Körpəni yatmağa qoyan və videodayəni işlək vəziyyətə salan qayğıkeş analar mütəmadi olaraq qurğunun ekranına baxaraq yenidoğulmuşun nəfəs aldığını göstərən bir hərəkəti tutmağa çalışırlar.
naked-science.ru saytının məlumatında bildirilir ki, qurğu bütün gecə ərzində körpənin tənəffüs tempini izləyir və bu halda uşağın bədəninə yaxud çarpayısına xüsusi tənzimləyicilərin bərkidilməsi tələb olunmur.
“Ağıllı” kamera smartfon proqramı ilə birgə işləyir. Proqrama inteqrasiya edilmiş tənzimləyicilər körpənin yatdığı yerin temperaturu, yuxusunun keyfiyyəti, havanın rütubətliyi və karbon oksidinin səviyyəsini müəyyən edir.
Onelink Envirocam-ın hansı qiymətə satışa çıxarılacağı hələlik məlum deyil.
© Bütün hüquqlar qorunur. Xəbərlərdən istifadə edərkən www.iсt.az saytına istinad zəruridir.
