Videokonfrans üçün dron

Amerikanın “Google” şirkətinin mütəxəssisləri videokonfransların keçirilməsi üçün xüsusi dron hazırlayırlar. Yeni pilotsuz təyyarə istifadəçilərə drona quraşdırılmış kamera vasitəsilə videokonfransa qoşulmağa imkan verəcək və beləliklə onlar hadisələrin birbaşa iştirakçısına çevriləcəklər.

vladtime.ru saytının məlumatına görə, sözügedən dronun hazırlanmasında heç bir kənar qurğudan istifadə edilməyəcək. Pilotsuz təyyarə enerji ilə doldurulmadan havada uzun müddət qalacaq, kamera isə rəqibləri ilə müqayisədə daha keyfiyyətli olacaq.

Şirkətin təkmilləşdirilmiş pilotsuz uçuş aparatının istifadəyə verilmə tarixi hələ ki, məlum deyil.