Yeni qurğu klaviatura və mausu əvəz edəcək

“Tap Systems” şirkətinin mühəndisləri tərəfindən hazırlanmış “Tap” adlı daşınan qurğu mətnin qoşulan klaviatura və ya ekran klaviaturası olmadan daha tez daxil edilməsi üçün alternativ üsul və virtual reallıq kontrolleri kimi təqdim edilir.

3dnews.ru saytının məlumatına görə, 31-dək basılma jestini tanıya bilən elastik manipulyator barmaqların hərəkətini qeydə alır, müvafiq proqram təminatı isə onu “Bluetooth” ilə qoşulmuş qurğu üçün əmr halına gətirir.

Qurğunun sahibi onu əlinə taxaraq virtual klaviaturada olduğu kimi yazır. İstehsalçılar bildirirlər ki, qadjetlə yazmaq üçün relyefindən və struktur xüsusiyyətlərindən asılı olmayaraq istənilən səth uyğundur.

Cari ildə qurğunun kommersiya istehsalına başlanılması gözlənilir.