“Samsung” şirkəti “ağıllı ev” üçün idarəetmə sistemini təqdim edib

Berlində keçirilən “IFA 2015” sərgisində Cənubi Koreyanın “Samsung” şirkəti  “ağıllı ev” üçün 200-dən çox müxtəlif ev qurğusunun hərəkətini sinxronlaşdıran idarəetmə sistemini təqdim edib.

hitech.newsru.com saytının məlumatına görə, yeni sistem “Samsung”un “SmartThings” şirkətinin mütəxəssisləri tərəfindən hazırlanıb.

“Samsung Smart Things Hub” adlandırılan sistemin mərkəzi qurğusu bir növ sistemin ayrı-ayrı modullarından məlumatların daxil olduğu server rolunu oynayır.

“Samsung Smart Things Hub”ı “Android” və ya “iOS” üçün mobil proqramın köməyi ilə idarə etmək olar. Qurğu 10 saata qədər avtonom işləmək qabiliyyətinə malik daxili akkumulyatorla təchiz edilib.

Yeni qurğunun dəyəri ABŞ-da 99 dollar təşkil edir.