Kibertəhlükəsizlik sənayesi daim inkişaf edir və qabaqcıl texnologiyaların getdikcə artması səbəbindən müxtəlif sektorlarda mühit dəyişir. Bu texnoloji təkamül təhlükələr mənzərəsini dəyişdirən yeni problemlər və risklər yaradır.
21-22 aprel 2020-ci il tarixlərində Hindistanın Mumbay şəhərində “it-sa India 2020” – III beynəlxalq kibertəhlükəsizlik konfransı və sərgisi keçiriləcək.
Hər il Almaniyanın Nürenberq şəhərində keçirilən “it-sa” bu gün dünyanın informasiya təhlükəsizliyi üzrə keçirilən əsas sərgilərindən biri hesab edilir.
“it-sa India 2019” beynəlxalq sərgisində “Siemens”, “SAP”, “TeleSoft”, “GlobalSign”, “Invest in Bavaria”, “Widas”, “HIK Vision” kimi dünyanın qabaqcıl şirkətlərinin ən yeni nailiyyətləri nümayiş olunub.
Növbəti dəfə Mumbayda keçiriləcək “it-sa India 2020”-də məlumatların bərpası, PCİ-DSS, virus və ziyanverici proqramlardan mühafizə, təhlükəsizliyin idarəolunması, bank xidmətləri, smart kartlar, sənayenin İT təhlükəsizliyi, kiber-fiziki sistemlərin təhlükəsizliyi, kriptoqrafiya, kibertəhlükəsizllik, kibercinayətkarlıq, məlumat sızmasının qarşısının alınması, videomüşahidə sistemləri, verilənlərin mühafizəsi, şəbəkənin monitorinqi, veb-əlavələrin təhlükəsizliyi, mobil təhlükəsizlik xidmətləri və s. sahəsində əldə edilmiş ən son nailiyyətlər nümayiş olunacaq.
Tədbir haqqında ətraflı məlumatı sərginin rəsmi saytından əldə etmək mümkündür.
© Bütün hüquqlar qorunur. Xəbərlərdən istifadə edərkən www.iсt.az saytına istinad zəruridir.
