2-5 iyun 2015-ci il tarixlərdə Londonda (Böyük Britaniya) “Mobil “bulud” hesablama sistemləri, idarəetmə və təhlükəsizlik” mövzusunda beynəlxalq seminar (workshop) keçiriləcək.
İBM Tədqiqat Mərkəzi və Səudiyyə Ərəbistanının Umm əl-Qura Universitetinin təşkil etdiyi seminar mobil “bulud” hesablama (MCC) texnologiyaları sahəsində alim, tədqiqatçı və tələbələrin elmi-tədqiqat işlərinin son nəticələrini təqdim etmələri üçün keçirilir.
MCC nəzəriyyəsi, modellər, platforma və konstruksiyalar, mobil “bulud” hesablama texnologiyalarının problem və imkanları, xidmət və proqramlar, şəbəkə və kommunikasiya haqqında mülahizələr, xidmətlərin əlçatanlığı və keyfiyyəti, mobil səhiyyə üçün MCC, effektivliyin qiymətləndirilməsi, təhlükəsizliyin və məxfiliyin idarə olunması, məlumatların saxlanılması və proqram təminatının hazırlanması üçün MCC platforması, Big Data-nın idarə olunması üçün MCC dəstəkləməsi və s. seminarın əsas müzakirə mövzularındandır.
