“Təhsildə İKT-dən istifadənin innovativ aspektləri” I Beynəlxalq elmi-praktiki konfransı keçiriləcək

26 fevral 2015-ci il tarixdə Taqanroqda (Rusiya) “Təhsildə İKT-dən istifadənin innovativ aspektləri” mövzusunda I Beynəlxalq elmi-praktiki konfrans keçiriləcək.

Tədbirin əsas müzakirə mövzuları informasiya-kommunikasiya texnologiyaları sahəsində pedaqoji kadrların peşəkar hazırlığı, təhsilin idarə olunmasında İKT, distant təhsil texnologiyaları, İKT-nin müasir təhsil texnologiyaları ilə inteqrasiyası, İKT-dən istifadə etməklə dərslərin metodiki hazırlanması və s.-dir.

Qiyabi formada və rus dilində keçiriləcək konfrans “Elm vektoru” elm-təhsil müəssisəsi tərəfindən təşkil edilir.