ELEKTROTECHNIK 2015 – Beynəlxalq elektrotexnika, elektronika və mikroelektronika sərgisi

Fevralın 18-dən 20-dək Almaniyanın Dortmund şəhərində ELEKTROTECHNIK 2015 – Beynəlxalq elektrotexnika, elektronika və mikroelektronika sərgisi keçiriləcək. “Messe Westfalenhallen Dortmund” sərgi mərkəzində baş tutacaq tədbir nəzarət-ölçü aparatları, energetika, elektrotexniki avadanlıq, sənaye elektronikası, mikroelektronika, verilənlərin elektron emalı sistemləri, kabel məhsulları və s. sahələri əhatə edəcək.

Elektronika və elektron mühəndisliyi sahəsinin ekspertləri iki ildə bir dəfə bazarın inkişaf tendensiyaları və istiqamətləri, innovativ həllərlə bağlı informasiya ilə mübadilə aparmaq üçün  ELEKTROTECHNIK sərgisində toplaşırlar. 

expoclub.ru saytının məlumatına görə, sərgi ilə paralel olaraq avadanlıqlar nümayiş olunacaq, məhsulların təqdimatı və “dəyirmi masa”lar keçirilir.