Yüksək Texnologiyalar Parkında beynəlxalq təlim kursları keçiriləcək

AR Rabitə və Yüksək Texnologiyalar Nazirliyinin (RYTN) tabeliyində yaradılan Yüksək Texnologiyalar  Parkında  beynəlxalq  təlim kursları keçiriləcək. “Professional Diploma in Digital Marketing” adlı təlim kursları Azərbaycanda ilk dəfə olaraq təşkil edilir.
Təlimlər cari ilin fevral ayının 13-dən etibarən başlayacaq və 10 həftə davam edəcək. Kursları müvəffəqiyyətlə bitirən iştirakçılara  Avropanın Kvalifikasiya və Akkreditasiya Sisteminin 5-ci pilləsinə uyğun olan nüfuzlu “Digital Marketing İnstitute” sertifikatı təqdim ediləcək.  
Qeyd edək ki, beynəlxalq təlim kursları İrlandiyanın “Digital Marketing İnstitute” təhsil müəssisəsinin Azərbaycan üzrə rəsmi təhsil tərəfdaşı olan “DMİ Azerbaijan”ın (www.dmi.az)  təşkilatçılığı və Yüksək Texnologiyalar Parkının dəstəyi ilə həyata keçiriləcək.

ictnews.az