AMEA İnformasiya Texnologiyaları İnstitutunun texnologiyalar üzrə direktor müavini, texnika üzrə fəlsəfə doktoru, dosent Rəşid Ələkbərov və sektor müdiri Oqtay Ələkbərovun həmmüəllifi olduqları “Forecasting Cloudlet Development on Mobile Computing Clouds” (Mobil hesablama buludlarında cloudlet yaradılmasının proqnozlaşdırılması) adlı məqalə “International Journal of Information Technology and Computer Science” (IJITCS) beynəlxalq jurnalında dərc olunub.

Məqalədə mobil bulud texnologiyalarının inkişaf dinamikası araşdırılmış, onun üstünlükləri və istifadəsi zamanı meydana çıxan problemlər təhlil edilmişdir. Eyni zamanda bu texnologiyadan istifadə etməklə mobil avadanlıqların hesablama və yaddaş resurslarına olan təlabatın təmin edilməsi məsələləri tədqiq edilmişdir.

Həmçinin mobil hesablama buludlarında cloudlet-lərin (kiçik buludlar) yaradılmasını zəruri edən amillər araşdırılmış və cloudlet-lərin hansı baza stansiyalarının yaxınlığında yerləşdirilməsi zamanının proqnozlaşdırılması məsələsi həll edilmişdir.

Qeyd edək ki, IJTCS jurnalı “MECS Publisher” nəşriyyatı tərəfindən dərc olunur. 

© Bütün hüquqlar qorunur. Xəbərlərdən istifadə edərkən www.iсt.az saytına istinad zəruridir.