Yaponiyanın “Japan Display” şirkəti tərəfindən nəinki barmaq izlərini oxumaq və damarları skan etməyi, həmçinin nəbzi ölçə bilən nazik və elastik tənzimləyici təqdim edilib. 

Bu tənzimləyici əsasında nəbz dalğasını tuta biləcək biometrik identifikasiya sistemləri yaratmaq mümkün olacaq. O, müəyyən dərəcədə bu cür sistemlərin qorunma dərəcəsini artıracaq. Nəbz dalğası damarların və arteriyaların vəziyyətindən asılı olan fərdi parameter olduğu üçün “skaner”i aldatmaq mümkün olmayacaq.

planet-today.ru saytının məlumatına görə, biometrik tənzimləyicinin qalınlığı cəmi on beş mikrometrdir. Onu istənilən yerə daşımaq üçün rahatlıqla əymək də mümkündür. Sensorun yaradılması, yüksək həssas üzvi fotodetektorların aşağı temperaturlu polisilikonlu nazik film transistorları ilə yüksək daşıyıcıların hərəkətliliyi ilə birləşdirilməsi sayəsində mümkün olmuşdur.

Tənzimləyici 500 dpi-dən yuxarı skanetməyə icazə verir və saniyədə qırxdan çox kadr istehsal edir.

© Bütün hüquqlar qorunur. Xəbərlərdən istifadə edərkən www.iсt.az saytına istinad zəruridir.